নলবাৰীঃ নলবাৰী জিলাৰ বৰবৰী শিৱ দূৰ্গা মন্দিৰত শ্ৰী শ্ৰী বাসন্তী পূজা উদযাপনৰ ব্যাপক প্ৰস্তুতি চলিছে৷ এইবেলি ৯৯ তম বৰ্ষত ভৰি দিয়া পূজা খন পাঁচদিনীয়া বৰ্ণাঢ্য কাৰ্য্যসূচীৰে অনুষ্ঠিত হ’ব৷ শতবৰ্ষ উদযাপনৰ কাৰ্যসূচী সূচাৰুৰূপে চলাই নিবলৈ এখন শক্তিশালী সমিতিৰ লগতে কেইবাখনো উপ-সমিতি গঠন কৰা হৈছে।

নলবাৰী সমষ্টিৰ বিধায়ক অশোক শৰ্মাক সভাপতি, মনোৰঞ্জন চক্ৰৱৰ্তীক উপ-সভাপতি, প্ৰদীপ কুমাৰ ভট্টাচাৰ্য আৰু দিপুল তালুকদাৰক যুটীয়া সাধাৰণ সম্পাদক ধৰি কেইবাজনো বিশেষ ব্যক্তিক লৈ মূল সমিতি গঠন কৰা হৈছে। শতবৰ্ষ অনুষ্ঠানৰ লগত সংগতি ৰাখি মন্দিৰৰ স্থায়ী তিনিখন তোৰণ নিৰ্মাণ কৰা হ’ব।