নগাঁওঃ সদৌ অসম সংখ্যালঘূ ছাত্ৰ ইউনিয়ন চমুকৈ আমছুৰ নগাঁও জিলা সমিতিৰ অন্তৰ্গত ৰামপুৰ সত্ৰ আঞ্চলিক সমিতিৰ উদ্যোগত শনিবাৰে হাইডুবী হাফিজীয়া মাদ্ৰাছা প্ৰাংগণত অনুষ্ঠিত কৰা হয় শপত গ্ৰহণ আৰু সজাগতা সভা৷

শিক্ষক মিজানুৰ ৰহমানৰ সঞ্চালনাত অনুষ্ঠিত সভাখনত আমছুৰ নগাঁও জিলা সমিতিৰ সভাপতি মোশ্বাৰফ হুছেইন কবিৰে মুখ্য অতিথি ৰূপে অংশগ্ৰহণ কৰি মাদ্ৰাছাসমূহত শিক্ষাৰ মান অধিক ত্বৰাম্বিত কৰি তোলাৰ অৰ্থে অনতিপলমে মাদ্ৰাছা টেট উত্তীৰ্ণ শিক্ষকক নিযুক্তি দিবলৈ চৰকাৰৰ প্ৰতি আহ্বান জনায়৷

আমছুৰ নগাঁও জিলা সমিতিৰ সম্পাদক উবাইদুৰ ৰহমানে আঁত ধৰা সভাখনিত কদমনি ছিনিয়ৰ মাদ্ৰাছাৰ প্ৰাক্তন শিক্ষক মৌলানা আনাৰুল হক চৌধুৰী আৰু ৰামপুৰ সত্ৰ গাঁও পঞ্চায়তৰ সভাপতি ৰুফুল আমিনকে প্ৰমুখ্য কৰি আমছুৰ নগাঁও জিলা সমিতিৰ কেইবাজনো বিষয়-ববীয়া উপস্থিত থাকে৷