ডিজিটেল ডেস্কঃ ১৬ বছৰীয়া কিশোৰীক ধৰ্ষণ কৰি সেই ভিডিঅ’ মোবাইলত ৰেকৰ্ড কৰি পুনৰ কেইবামাহ ধৰি ব্লেকমেইল কৰাৰ ঘটনা পোহৰলৈ আহিছে মুম্বাইত৷ প্ৰথমে অভিযুক্তই ধৰ্ষণ কৰি ভিডিঅ’ ৰেকৰ্ড কৰে৷ সেই ভিডিঅ’টোৰে কেইবামাহ ধৰি ধৰ্ষণ কৰে৷
তাৰ পিছত ব্লেকমেইল কৰাৰ উদ্দেশ্যে আন ৩ জন বন্ধুক ভিডিঅ’টো দিয়ে৷ ৩ জন বন্ধুৱে ভিডিঅ’টো দেখুৱাই গণ ধৰ্ষণ কৰে কিশোৰীগৰাকীক৷ ইতিমধ্যে ঘটনাৰ অভিযুক্তক আটক কৰা হৈছে৷
১৭ বছৰীয়া যুৱকজন মুম্বাইৰ কৰলা অঞ্চলৰ বুলি জানিব পৰা গৈছে৷ জানিব পৰা মতে, এদিন স্কুলৰ পৰা উভতি অহাৰ সময়ত বিল্ডিংৰ ছাডত নি কিশোৰীগৰাকীক কিশোৰজনে ধৰ্ষণ কৰে৷
ইমানে নহয় সমস্ত কাণ্ড মোবাইলত ৰেকৰ্ড কৰে ১৭ বছৰীয়া কিশোৰজনে৷ কিশোৰজনে প্ৰতিদিনে কিশোৰীগৰাকীক বিদ্যালয়লৈ যোৱাৰ সময়ত হাৰাশাস্তি কৰে৷ প্ৰায়ে সেই ভিডিঅ’টো ফাদিল কৰাৰ ভয় দেখুৱাই কিশোৰীগৰাকীক ব্লেকমেইলিং কৰিবলৈ আৰম্ভ কৰে৷
সেই ভিডিঅ’টো একেটা অঞ্চলৰ আন ৩জন যুৱককো দিয়ে৷ সেই যুৱক কেইজনে লগলাগি ব্লেকমেইল কৰি গণ ধৰ্ষণ কাণ্ড সংঘটিত কৰে কিশোৰীগৰাকীৰ সৈতে৷
কিছু দিন পূৰ্বে কিশিৰোগৰাকীৰ পিতৃক এগৰাকী লোকে নিজ কন্যাৰ ভিডিঅ’টো দেখুৱাই৷ তাৰ পিছতে পিতৃয়ে নিজ কন্যাক সোধ-পোছ কৰাত সকলো কথা পোহৰলৈ আহে৷ ইতিমধ্যে কিশোৰীৰ অভিভাৱকে আৰক্ষীক গোচৰ তৰে৷ অভিযুক্ত কিশোৰ হলেও প্ৰাপ্তবয়স্কৰ শাস্তি দিয়াৰ ব্যৱস্থা কৰিব আৰক্ষীয়ে৷ ধৰ্ষণ, ব্লেমেইল আৰু পোক্সো ধাৰাত গোচৰ ৰুজু কৰি তদন্ত অব্যাহত ৰাখিছে আৰক্ষীয়ে৷