বৰপথাৰঃ নাগৰিকত্ব সংশোধনী বিধেয়ক বাতিলৰ দাবীত সোমবাৰে সমগ্ৰ ৰাজ্যতে প্ৰতিবাদ অব্যাহত থকাৰ সময়তে সৰুপথাৰত প্ৰতিবাদ কৰিবলৈ ওলাই আহিল ছাত্ৰ সমাজ৷ 

সৰুপথাৰ মহাবিদ্যালয় ছাত্ৰ একতা সভা আৰু ধনশিৰি মহকুমা ছাত্ৰ সমাজে জাতিধ্বংসী বিধেয়ক বাতিলৰ দাবীত ৰূপায়ণ কৰে ছাত্ৰ বিক্ষোভ কাৰ্যসূচী৷ প্ৰায় পাঁচ শতাধিক ছাত্ৰ ছাত্ৰীয়ে সৰুপথাৰ মহাবিদ্যালয়ৰপৰা সমদল কৰি আহি সৰুপথাৰ নগৰৰ মাজমজিয়াত গান্ধী মুৰ্তিৰ সমীপত পথ অৱৰোধ কৰে৷ 

পথ অৱৰোধৰ সময়ত পথৰ দুয়ো পাৰে ব্যাপক যান-জঁটৰ সৃষ্টি হয়৷ প্ৰধান মন্ত্ৰী নৰেন্দ্ৰ মোডী গ' বেক, সৰ্ব্বানন্দ সোণোৱাল মুৰ্দাবাদ, নাগৰিকত্ব সংশোধনী বিধেয়ক বাতিল কৰক ধ্বনীৰে সৰুপথাৰৰ আকাশ বতাহ মুখৰিত কৰি তোলে ছাত্র-ছাত্রী সকলে৷