মাৰ্ঘেৰিটাঃ ছেভেন বিল মীন মহলৰ নিবিদা আহ্বান কৰিছে মাৰ্ঘেৰিটা মহকুমা প্ৰশাসনে৷  মহকুমাটোৰ ভাৰপ্ৰাপ্ত মহকুমা তথ্য আৰু জন সংযোগ বিষয়াই এক প্ৰেছ বিবৃতি যোগে চেভেন বিল মীন মহলৰ নিবিদা আহ্বান কৰাৰ কথা ৰাজহুৱা কৰে৷

চৰকাৰী নিৰ্দেশানুযায়ী মহকুমাধিপতি বিক্ৰম কৈৰীয়ে জাৰী কৰা জাননী মৰ্মে অহা ১০ জুলাইৰ পৰা নিবিদাৰ প্ৰ-পত্ৰ ইচ্ছুক নিবিদাকাৰীয়ে মহকুমাধিপতিৰ কাৰ্য্যালয়ৰ পৰা সংগ্ৰহ কৰাৰ লগতে অহা ২১ জুলাইৰ বিয়লি ১ বজাৰ ভিতৰত নিবিদা সমূহ জমা দিব লাগিব৷

অহা ২৪ জুলাইত বিয়লি ৩ বজাত নিবিদা সমূহ খোলা হ'ব বুলি বিবৃতিটোত উল্লেখ আছে৷ নিবিদাৰ নিম্নতম চৰকাৰী নিৰিখ হৈছে ডেৰ লাখ টকা৷