ধিংঃ বিশ্ব হিন্দু পৰিষদ বটদ্ৰৱা প্ৰখণ্ডৰ উদ্যোগত যোৱা কালিৰ পৰা অনুষ্ঠিত জন্মাষ্টমীৰ আজি নন্দোৎসৱ উপলক্ষে বটদ্ৰৱাৰ আকাশী গংগাৰ তীৰত শিশু কৃষ্ণ প্ৰতিযোগিতা অনুষ্ঠিত হয়৷

বিয়লি ২ বজাৰ পৰা বৰগীত, দিহানামৰ পাছতে বিশ্ব হিন্দু পৰিষদ নগাঁও জিলাৰ সহকাৰী সম্পাদক ইন্দ্ৰমোহন বৰুৱাই আঁত ধৰা শিশু কৃষ্ণ প্ৰতিযোগিতাৰ শুভাৰম্ভনি কৰে ব্ৰজেন কাকতিয়ে৷ প্ৰশান্ত ভড়ালী, হেমৰাম বায়ন, পংকজ কলিতা, যোগেন কলিতা, যতীন বৰুৱা, মন্টু বৰা, জোনাৰাম বৰা প্ৰমুখ্যে পাঁচ শতাধিক ৰাইজৰ উপস্থিতিত কৃষ্ণৰূপী শতাধিত শিশুৰ গুঞ্জনত দৃষ্টিনন্দন হৈ পৰে৷

আনহাতে নন্দোৎসৱ উপলক্ষে বটদ্ৰৱা থানটো বিয়লি নন্দোৎসৱৰ পাচতি ভাওনা অনুষ্ঠিত হয়৷ ভাওনাৰ শেষত 'গকুলে উদয় যদুমনি' গীত পৰিৱেশনৰ পাচত যোষা-কীৰ্তনীয়া নামৰ মাজেৰে পৰম্পৰাগত বোকা ভাওনা অনুষ্ঠিত হয়৷