27 May 2018

এভাৰেষ্ট আৰোহণৰ বাবে যোৱা ১৫ ভাৰতীয় আবদ্ধ, ৰাষ্ট্ৰদূতে গুৰুত্ব নিদিয়াৰ অভিযোগ

By NNO WEB BUREAU 0 Comments

newsnextone.com | ডিজিটেল ডেস্কঃ এভাৰেষ্ট আৰোহণৰ বাবে যোৱা ১৫ ভাৰতীয় আবদ্ধ হোৱাৰ খবৰ আহিছে৷ এভাৰেষ্টৰ পথত আৱদ্ধ হৈ পৰা ১৫ ভাৰতীয়ক সহায় কৰাৰ বাবে নেপালস্থিত ভাৰতীয় দূতাবাসক আহ্বান জনাই দেশৰ বিদেশ মন্ত্ৰী সুষমা স্বাৰাজে৷ বতৰৰ বাবে মাউণ্ট এভাৰেষ্টত আৱদ্ধ হৈ পৰে ভাৰতীয় আৰোহণকাৰীৰ দলটোৱে৷

ভাৰতীয় দলটোৰ এগৰাকী সদস্য অমিত ঠাডানীয়ে বিদেশমন্ত্ৰী সুষমা স্বৰাজ আৰু বিদেশ ৰাজ্য মন্ত্ৰী বিকে সিঙক টুইট কৰি দিছিল এই খবৰ৷ এভৰেষ্টত আবদ্ধ হোৱাৰ খবৰ দিয়া হৈছিল যদিও ভাৰতীয় দূতাবাসে কোনো গুৰুত্ব আৰোপ নকৰাৰ অভিযোগ উত্থাপন কৰে৷ নেপালৰ কাঠমাণ্ডুস্থিত ভাৰতীয় ৰাষ্ট্ৰদূত মঞ্জীৱ সিঙক শীঘ্ৰে ব্যৱস্থা গ্ৰহণৰ নিৰ্দেশ দিয়ে বিদেশমন্ত্ৰী সুষমা স্বৰাজে৷

লাকুলা বিমান বন্দৰত প্ৰতিকুল বতৰৰ বাবে ১৫ ভাৰতীয় আৰোহণকাৰী আবদ্ধ হৈ পৰে৷ বিমান সেৱা কোম্পানী মাছাচিছুক লাকুলালৈ যাতায়াতৰ বাবে টকা দিছিল দলটোৱে৷ কিন্তু বতৰৰ বাবে বিমান সেৱা বন্ধ কৰে কোম্পানীটোৱে৷