উৰিয়ামঘাটঃ পালছাৰ বাইক চোৰ কৰিবলৈ আহি ৰাইজৰ হাতত ধৰা পৰিল তিনি যুৱক৷ ধনশিৰি মহকুমা বৰপথাৰ অাৰক্ষী থানাৰ সমীপৰ এঘৰ লোকৰ ঘৰত মঙলবাৰে নিশা বাইক চোৰ কৰিবলৈ আহি ৰাইজৰ জালত পৰে তিনি বাইক চোৰ৷

বৰপথাৰ আৰক্ষী থানাৰ সমীপৰ এটি পৰিয়ালৰ এএছ-০৫-এফ-০৩৭২ নম্বৰৰ এখন পালছাৰ ১৫০ চিচিৰ বাইক চুৰি কৰাৰ চেষ্টা কৰৰা সময়তে পৰিয়ালৰ লোকে অৱগত হোৱাত চিঞৰ বাখৰ কৰে৷

লগ লগে পৰিয়ালৰ লোক আৰু ওঁচৰ চুবুৰীয়া ওলাই আহি এজনক ধৰিবলৈ সক্ষম হয় যদিও আন দুজন পলাই যাবলৈ সক্ষম হয়৷ ধৰা পৰা যুৱকজনে আন দুজনৰ নাম স্বীকাৰ কৰাত ৰাইজে আন দুজনকো ধৰি উত্তম-মাধ্যম শোধায় আৰক্ষীক গতাই দিয়ে৷