ৰঙিয়াঃ নৈ পাৰ হৈ গৰু আনিবলৈ যাওতে নৈত পৰি কালিৰে পৰা নিৰুদ্দেশ হৈ থকা ৰঙিয়াৰ ৰুহুলৰ মৃতদেহ আজি উদ্ধাৰ হয়৷ প্ৰায় ৩০ ঘন্টাৰ মূৰকত ৰঙিয়াৰ মাজেৰে বৈ যোৱা নোনা নৈৰ পৰা ৰুহুলৰ মৃতদেহ কেইবাঘন্টা অভিযান চলাই উদ্ধাৰ কৰে এন ডি আৰ এফৰ এটি দলে৷

ৰঙিয়া চহৰৰ সমীপৰ দদেতিয়াৰ ১১ বছৰীয়া ৰুহুল আলীয়ে মঙলবাৰে নোনা নৈৰ সাঁকো পাৰ হৈ গৰু আনিব পথাৰৰ পৰা গৰু ঘৰৰ পোহনীয়া গৰু আনিবলৈ গৈছিল। কিশোৰগৰাকীয়ে সাঁকোত উঠি কিছু যোৱাৰ পাছতে পিছলি নোনা নৈত পৰে।

মূহুৰ্ততে ৰুহুলক প্ৰবল সোতে উটুৱাই নিয়ে৷ স্থানীয় ৰাইজে নদীত নামি বিছাৰে-খোচাৰ কৰে যদিও কিশোৰ জনৰ মৃতদেহ উদ্ধাৰ কৰিবলৈ সক্ষম নহল। আজি পুৱাৰে পৰা নলবাৰী জিলাৰ পৰা অহা এটি এন ডি আৰ এফৰ দলে নৈ খনত অভিযান চলাই ৰুহুলৰ মৃতদেহটো উদ্ধাৰ কৰিবলৈ সক্ষম হয়।