নগাঁওঃ নগাঁও জিলাৰ অন্তৰ্গত জুৰীয়াৰ বালুগুটিয়াত নিষিদ্ধ ব্ৰাউন চুগাৰ সহ আটক অসাধু ব্যৱসায়ী ৷ চোৰাং ব্যৱসায়ীজন হৈছে মুন্নাছ আলী। জুৰীয়া আৰক্ষীৰ নিলিপ্ত ভূমিকাত ক্ষুব্ধ ৰাইজে নিজাকৈ অভিযান চলাই আটক কৰে ব্যৱসায়ী মুন্নাছ আলীক । 

ধৃত মুন্নাছৰ ঘৰ জাৰামাৰীত। উল্লেখ্য যে নিষিদ্ধ ড্ৰাগছৰ ঘাটি ৰূপে পৰিচিত জুৰীয়াৰ বালুগুটিয়ালৈ বিভিন্ন ঠাইৰ পৰা দৈনিক শতাধিক লোক ড্ৰাগছ সেৱন কৰিবলৈ আহে বুলি স্বীকাৰোক্তি দিয়ে ধৃত অপৰাধী মুন্নাছে ৷ 

কালিৰে পৰা ৰাইজে নিজাকৈ অভিযান চলাই কেইবাজনো ড্ৰাগছ সেৱনকাৰীক ধৰা পেলাইছিল আৰু আজি তেওঁলোকৰ কথাৰ ওপৰত ভিত্তি কৰি ব্যৱসায়ী মুন্নাছ আলিক ধৰিবলৈ সক্ষম হয়৷ ৰাইজে অভিযোগ কৰা মতে ৰাইজে বহুবাৰ প্ৰশাসনক এই বিষয়ে অৱগত কৰাৰ পাছতো কোনো ব্যৱস্থা লোৱা নাছিল  আৰক্ষী প্ৰশাসনে ৷ সেয়ে অতিস্থ হৈ ৰাইজে নিজাববীয়াকৈ ব্যৱস্থা হাতত লৈ বহু দিনে চলি থকা এই ঘাটি উচ্ছেদ কৰিবলৈ সক্ষম হয় ৷