newsnextone.com | কাকপথাৰঃ সমগ্ৰ বিশ্বৰ লগতে তিনিচুকীয়া জিলাৰ কাকপথাৰত ইছলাম ধৰ্মাৱলম্বী লোকসকলে শনিবাৰে পবিত্ৰ ঈদ-উল-ফিৎৰ পালন কৰে। ব্যাপক উৎসাহ-উদ্দীপনাৰ মাজেৰে ইছলাম ধৰ্মাৱলম্বী লোকসকলৰ প্ৰবিত্ৰ উৎসৱ ঈদ-ঊল-ফিতৰৰ পুৱাই নামাজ আদায় কৰে৷

ধৈৰ্য, ত্যাগ-সংযমেৰে ৩০টা ৰোজা সমাপ্ত কৰাৰ অন্তত শনিবাৰে ঈদ পালন কৰে ইছলামধৰ্মীসকলে৷ কাকপথাৰতো কাকপথাৰ মছজিদ পৰিচালনা সমিতিৰ উদ্যোগত মছজিদ প্ৰাংগনত ঈদৰ নমাজ আদায় কৰে ৰাইজে৷

কাকপথাৰ অঞ্চলৰ সকলো দল-সংগঠন, সাংবাদিক, অনুষ্ঠান-প্ৰতিষ্ঠানৰ বিষয়-ববীয়াই ইছলামধৰ্মীসকলে ঈদৰ শুভেচ্ছা যাচে৷ বিশ্বৰ লগতে কাকপথাৰতো সকলোৱে একতাৰে শান্তি, সম্প্ৰীতিৰে থকাৰ উদ্দেশ্যে কাকপথাৰবাসী ইছলামধৰ্মীয়ে প্ৰাৰ্থনা জনায়৷ মুঠৰ ওপৰত উলাহ-মালহেৰে তিনিচুকীয়া জিলাৰ কাকপথাৰত ঈদ ঊল ফিৎৰ পালন কৰা হয়৷