খাৰুপেটীয়াঃ দৰঙৰ খাৰুপেটীয়া নগৰৰ ৩ নং ৱাৰ্ডৰ নিমতলীৰ মৰহুম ছামচুল আলমৰ ঘৰত কোনো নথকাৰ সুযোগ লৈ শনিবাৰে নিশা চোৰে কৰিলে হাত চাফাই। 

ঘৰৰ চৌহদৰ পিছফালে গেট-দুৱাৰ ভাঙি ঘৰৰ ভিতৰত প্ৰৱেশ কৰি শ্ব'কেজ, আলমিৰাৰ ল’কাৰ ভাঙি পেলায়৷ তাৰপাছতে সোণৰ আ-অলংকাৰ, হীৰাৰ এটা আঙুঠি, নগদ টকা, লেপটপ আদি সহ মুঠ তিনি লক্ষ্যাধিক টকা মূল্যৰ সম্পত্তি চোৰে লুটি নিয়ে৷

ঘৰৰ মালিকে ঘটনা সন্দৰ্ভত খাৰুপেটীয়া আৰক্ষী থানাত এটি এজাহাৰ দাখিল কৰিছে৷ আৰক্ষীয়ে ঘটনা সন্দৰ্ভত তদন্ত আৰম্ভ কৰিছে যদিও ঘটনাত জড়িত কোনোলোকক আটক কৰিবলৈ সক্ষম হোৱা নায়৷