লালুকঃ লোকসভা নিৰ্বাচনক কেন্দ্ৰ কৰি দেওবাৰে লালুক থানাৰ অন্তৰ্গত গাঁওৰক্ষী বাহিনীৰ সদস্যসকলক লৈ এখন সজাগতা সভা অনুস্থিত কৰে৷ সভাত সভাপতিত্ব কৰে থানা কমিটিৰ স্থায়ী সভাপতি হেমন্ত দত্তই৷
সভাৰ উদ্দেশ্য ব্যাখ্যা কৰে লালুক থানাৰ চক্ৰ সংগঠক ভবেন দত্তই৷ সভাত লোকসভা নিৰ্বাচনক কেন্দ্ৰ কৰি গাঁওৰক্ষী বাহিনী সমুহৰ দায়িত্ব আৰু কৰ্তব্য সম্পৰ্কত বিশদভাৱে আলোচনা কৰে৷
সভাত লালুক থানালৈ বদলি সূত্ৰে নতুনকৈ অহা প্ৰভাৰী বিষয়া প্ৰণৱ বৰাক গাঁওৰক্ষী বাহিনীয়ে সম্বৰ্ধনা জনায়৷ কাৰ্যসূচীতো পৰিচালনা কৰি থানা কমিটিৰ সহঃ সম্পাদক ছবিন গগৈ আৰু সমাজ কৰ্মী পংকজ শইকীয়াই৷ উক্ত সজাগতা সভাখনত লালুক থানাৰ অন্তৰ্গত গাঁওৰক্ষী বাহিনীৰ ১১০ জন সদস্য উপস্থিত থাকে৷