ডিজিটেল ডেক্সঃ দেশৰ প্ৰধানমন্ত্ৰী হিচাপে শপত লোৱাৰ কিছু দিন পিছৰে পৰা দেশৰ নাগৰিকৰ সৈতে কথোপকথন কৰাৰ উদ্দেশ্যে প্ৰধানমন্ত্ৰী মোডীয়ে আৰম্ভ কৰিছিল ‘মন কী বাত’ অনুষ্ঠিন৷ 

দেওবাৰেও ‘মন কী বাত’ অনুষ্ঠান সম্প্ৰচাৰ কৰে মোডীয়ে৷ অসমৰ কৰিমগঞ্জ জিলাৰ আহমেদ আলিক প্ৰশংসাৰে ওপচাই পেলায় প্ৰধানমন্ত্ৰী নৰেন্দ্ৰ মোডীয়ে৷

দেওবাৰে ৪২ সংখ্যক ‘মন কী বাত’ত দেশবাসীক উদ্দ্যেশি দিয়া ভাষণত প্ৰধানমন্ত্ৰীগৰাকীয়ে দুখীয়া পৰিয়ালৰ ল’ৰা-ছোৱালীৰ শিক্ষাৰ প্ৰসাৰৰ বাবে ৰিক্সাচালক আহমেদ আলিয়ে ৯খন স্কুল স্থাপন কৰা কাৰ্যক ভূয়সী প্ৰশংসা কৰাৰ লগতে ইয়াক দেশৰ ইচ্ছা শক্তিৰ ক্ষমতা বুলি অভিহিত কৰে৷

কৃষিজাত শস্যৰ ন্যূনতম সমৰ্থন মূল্য নিৰ্ধাৰণৰ সময়ত চৰকাৰে অন্নদাতা কৃষকৰ শ্ৰমৰ মূল্যকে ধৰি প্ৰতিটো খৰচৰ হিচাব ৰাখিব যাতে ই উৎপাদন ব্যয়তকৈ ১.৫ গুণ বেছি হয়৷

মোদীয়ে আশা কৰে যে এইবাৰৰ বাজেটত তালিকাভুক্ত শস্যৰ ক্ষেত্ৰত ন্যূনতম সমৰ্থন মূল্য উৎপাদন ব্যয়তকৈ অতি কমেও ডেৰ গুণ অধিক দিয়াৰ সিদ্ধান্ত গ্ৰহন কৰাৰ পাছত কৃষকসকলে তেওঁলোকৰ কষ্টৰ যথোচিত মূল্য পাব৷ 

‘মন কী বাত’ৰ মুখ্য বিন্দুসমূহঃ 

►আগৰ দৰে এইবাৰো মই সমগ্ৰ ভাৰতৰ পৰা বৃহৎ সংখ্যক পত্ৰ, ই-মেইল, টেলিফোন কল আৰু মন্তব্য লাভ কৰিছো৷

►ইয়াৰ মাজৰে এখন পত্ৰ পঢ়িলো কোমল থাক্কাৰ ডাঙৰীয়ানীৰ, য’ত তেওঁ সংস্কৃতৰ অন-লাইন পাঠ্যক্ৰম আৰম্ভ কৰিবলৈ কৈছে৷ তথ্য-প্ৰযুক্তিৰ লগত জড়ত হৈও আপোনাৰ সংস্কৃত প্ৰীতিয়ে মোক আনন্দ দিছে৷ এই সন্দৰ্ভত সংশ্লষ্ট বিভাগক সহাৰি জনাবলৈ নিৰ্দেশ দিছো৷

►যোগেশ ভদ্ৰেছা ডাঙৰীয়াই মোক স্বাস্থ্য-উদ্বিগ্ন যুৱ সমাজক কিছু ক’বলৈ কৈছে...৷ যোগেশ ডাঙৰীয়া, মই ’ফিট ইণ্ডিয়া’ শীৰ্ষক কথা ক’ম বুলি সিদ্ধান্ত লৈছো৷ ফিট ইণ্ডিয়াৰ এই আন্দোলন আৰম্ভ কৰিবলৈ সকলো যুৱক-যুৱতী একেলগে ওলাই আহিব লাগিব৷

►এইবাৰ বহুতে ভিন্ন বিষয়ৰ লগতে পৰীক্ষা, আহি থকা বন্ধ আৰু জল সংৰক্ষণৰ কথা লিখিছে৷ ইয়াৰ মাজতে পালো যে কানপুৰৰ এজন চিকিৎসকে পদপথলৈ গৈ দুখীয়াসকলক চিকিৎসা কৰাৰ লগতে ঔষধো প্ৰদান কৰে, ই মোক ১৩ বছৰ পুৰণি ভাতৃত্ববোধৰ উদাহৰণ এটা মনত পেলাই দিলে৷ কলকাতাৰ কেব চালক ছাইদুৰ লস্কৰে তেওঁৰ ভগ্নীক চিকিৎসাৰ অভাৱত হেৰুৱাবলগীয়া হোৱাত তেওঁ এখন হাস্পতাল আৰম্ভ কৰাৰ সিদ্ধান্ত লৈছিল যাতে কোনো দুখীয়া লোকৰ চিকিৎসাৰ অভাৱত মৃত্যু নহয়৷

►এই সিদ্ধান্তৰ পাছতে ছাইদুলে ঘৰৰ পৰাই গহনা বিক্ৰী কৰিছিল আৰু দান-বৰঙনিৰ পৰা ধন সংগ্ৰহ কৰিছিল৷ গ্ৰাহকেও তেওঁক মুক্ত হস্তে দান দিছিল৷ ১২ বছৰ পাছত তেওঁ কলকাতাৰ ওচৰৰ পুনৰিত ৩০ খন বিছনাযুক্ত এখন হাস্পতাল স্থাপন কৰিছিল৷ এয়াই হ’ল নৱ ভাৰতৰ শক্তি৷ 

►উত্তৰ প্ৰদেশৰ এগৰাকী মহিলাই যেতিয়া ১২৫টা শৌচালয় নিৰ্মাণ কৰিবলৈ সক্ষম হয়, ই আমাক মহিলাৰ ক্ষমতাৰ আভাষ দিয়ে৷