চিচিবৰগাঁওঃ অসম জাতীয়তাবাদী যুৱ ছাত্ৰ পৰিষদ চিচিবৰগাঁও আঞ্চলিক সমিতিৰ আজি এখন সভা অনুষ্ঠিত হয়।

চিচি চাৰিআলি উচ্চতৰ মাধ্যমিক বিদ্যালয় প্ৰাংগনত তপন শইকীয়াৰ সভাপতিত্বত অনুষ্ঠিত সভাত চিচিবৰগাঁও আঞ্চলৰ বহু যুৱ-ছাত্ৰ-ছাত্ৰী উপস্থিত থাকে৷

সভা খনত জিলা সমিতিৰ সাংগঠনিক সম্পাদক ৰুস্তম ৰেগন, অটুল হাজৰিকা আৰু যুটিয়া সম্পাদক ভাস্কৰ বুঢ়াগোহাঁইয়ে পৰ্যবেক্ষক হিচাপে উপস্থিত থাকে৷

সভাত উপস্থিত যুৱ-ছাত্ৰ সৰ্বসন্মতি সাপেক্ষে তপন শইকীয়াক সভাপতি আৰু সঞ্জীৱ গগৈক সাধাৰণ সম্পাদক হিচাবে লৈ ২৯ জনীয়া শক্তিশালি চিচিবৰগাঁও আঞ্চলিক সমিতিসমিতি গঠন কৰা হয়৷

সভাত জিলা সমিতিৰ সাধাৰণ সম্পাদক নিৰঞ্জন দাস উপ-সভাপতি প্ৰিয়াংকু চুতীয়া উপস্থিত থাকি বক্তব্য প্ৰদান কৰাৰ লগতে চিচিবৰগাঁও অঞ্চলৰ ৰাস্তা-ঘাট, বিশুদ্ধ খোৱা পানী, চিকিৎসালয় আদি উন্নত কৰাৰ দাবীত সংগ্ৰাম কৰাৰ সংকল্প লয়৷