ডিজিটেল ডেস্কঃ ’আইৰ সমান হ’ব কোন, নৈৰ সমান ব’ব কোন? আপ্তবাক্যশাৰীকেই আকৌ এবাৰ সঁচা বুলি প্ৰতিপন্ন কৰিলে এগৰাকী মাতৃয়ে। সন্তানক কুকুৰৰ আক্ৰমণৰ পৰা ৰক্ষা কৰিবলৈ গৈ ধৰাশায়ী হ’ল মাতৃ৷ এই শোকাৱহ ঘটনা সংঘটিত হয় কেৰালাৰ কোঝীক’ডত৷ 

ঘটনাৰ বিৱৰণি অনুসৰি ১৮ মে’ত ৰিঞ্চী নামৰ মহিলাগৰাকীয়ে সন্তান সহিতে ঘৰলৈ উভতি অহাৰ পথত সন্তান জিতিনক এটা কুকৰে কামুৰিবলৈ উদ্যত হয়৷ 

সাহসী মহিলাগৰাকীয়ে সন্তানক সাবটি পথৰ ওপৰত বাগৰি পৰে৷ লগে লগে কুকুৰটোৱে কামুৰি ধৰাশায়ী কৰে ৰিঞ্চীক৷ মহিলাগৰাকীৰ কপাল, নাক, ওঠ আদি বিভিন্ন অংশত কামোৰে কুকুৰটোৱে৷ 

মহিলাগৰাকীক এন্টি ৰেবিজ বেজি দিয়া হয়৷ বৃহস্পতিবাৰে জ্বৰ-বমি আদি হোৱাত মহিলাগৰাকীক চিকিৎসালয়লৈ নিয়া হয়৷

কিন্তু ক্ৰমাত স্বাস্থ্যৰ অৱনতি ঘটাত চিকিৎসা মহাবিদ্যালয়লৈ প্ৰেৰণ কৰা হয় ৰিঞ্চীক৷ চিকিৎসা মহাবিদ্যালয়তে মৃত্যু ঘটে সাহসী মহিলাগৰাকীৰ৷