newsnextone.com | ডিজিটেল ডেস্কঃ নেৰানেপেৰা বৰষুণৰ ফলত জনজীৱন ব্যাহত হৈ পৰিছে মুম্বাইবাসীৰ৷ সোমবাৰে নিশাৰে পৰা মঙলবাৰে পুৱালৈ একেৰাহে বৰষুণ দি থকাৰ ফলত স্বাভাবিক জনজীৱন ব্যাহত হৈ পৰা লগতে মুম্বাই চহৰৰ বহু এলেকা পানীত ডুব যায়৷ 

চহৰৰ বৃহৎ বৃহৎ এলেকা পানীত ডুব যোৱাত হাহাকাৰ সদৃশ পৰিস্থিতিৰ সৃষ্টি হয়৷ মঙলবাৰে পুৱাই ৭বাজি ৩০ মিনিটত আন্ধেৰী ৰেল ষ্টেচনৰ গোখলে উৰণীয়া সেঁতুৰ বৃহৎ এটা অংশ ভাঙি পৰে৷ ফলত হাজাৰ হাজাৰ যাত্ৰী আৱদ্ধ হৈ পৰে৷ উৰণীয়া সেঁতুৰ ভাঙি পৰাৰ পিছতে বৰষুণৰ মাজতে প্ৰশাসনে উদ্ধাৰ অভিযান চলাই৷ উদ্ধাৰ অভিযানৰ বাবে হাওৰা-আন্ধেৰী, বান্দ্ৰাৰ মাজত ৰেল সেৱা সম্পূৰ্ণ ব্যাহত হয়৷ ইতিমধ্যে এনডিআৰএফ বাহিনীয়ে ৬গৰাকী লোকক জীৱন্তে উদ্ধাৰ কৰে৷

দুৰ্যোগ প্ৰশমণ বিভাগে বাৰে বাৰে সতৰ্ক কৰি দিছে সকলো বিভাগক৷ পুনৰ ২৪-৪৮ ঘণ্টা ধৰি বৰষুণ হোৱাৰ সম্ভাৱনা থকাৰ কথা উল্লেখ কৰে বতৰ বিভাগে৷ মঙলবাৰে দিনৰ ভাগত তীব্ৰ গতিত সাগৰত ধুমুহা অহাৰো সম্ভাৱনা থকাৰ কথা উল্লেখ কৰি সতৰ্ক কৰি দিয়ে৷ কোনো লোকক সাগৰত পাৰত যোৱাটো নিষিদ্ধ কৰে প্ৰশাসনে৷ মুম্বাইত তাপমাত্ৰা কমি অহা বুলি জানিবলৈ দিয়ে বতৰ বিভাগে৷