শুক্লাইঃ ওদালগুৰি জিলাৰ ডিমাকুছি থানাৰ অন্তৰ্গত হাঁহ চ'ৰাত আজি বিয়লি প্ৰায় ৩ বজাত এক দুৰ্ঘটনা সংঘটিত হ'য়। এই দুৰ্ঘটনাত তিনিজন লোক আহত হ'য়।

জানিব পৰা মতে, ডিমাকুছিৰ পৰা টংলা হৈ গুৱাহাটীৰ সোনাপুৰ অভিমুখে গৈ থকা এ এছ 0১-বিবি-১৭৫৫ নম্বৰৰ টাটা ইণ্ডিকাখন ডিমাকুছিৰ নিকটৱৰ্তী হাঁহচ'ৰাত নিয়ন্ত্ৰণ হেৰুৱাই খাৱৈত বাগৰি পৰে৷ ফলত গাড়ীৰ আগভাগ চূৰ্ণ বিচুৰ্ণ হৈ তিনিজন যাত্ৰী আহত হবলগীয়া হয়৷

উল্লেখ্য যে, ইণ্ডিকা গাড়ীৰ ভিতৰত পাঁচজন যাত্ৰী আছিল আৰু আটাইকেইজন সুৰাসক্ত অৱস্থাত আছিল। বৰ্তমান ঘটনা স্থলীত ডিমাকুছি আৰক্ষী উপস্থিত হৈ দুৰ্ঘটনাৰ তদন্ত আৰম্ভ কৰিছে।