তামুলপুৰঃ সদৌ অসম বাঙালী যুব-ছাত্র ফেডাৰেচনে আজি আহ্বান জনোৱা অসম বন্ধৰ ব্যাপক প্ৰভাৱ তামুলপুৰ মহকুমাত সৰ্বাত্মকভাৱে পৰা পৰিলক্ষিত হয়৷ বন্ধৰ সময়ছোৱাত অঞ্চলটোৰ দোকান-পোহাৰ, বেংক আদি বন্ধ থকাৰ উপৰিও যান-বাহনৰ চলাচল বন্ধ হৈ পৰে৷ বন্ধ চলি থকাৰ মাজতে তামুলপুৰ আৰক্ষী প্ৰশাসনে তামুলপুৰ চহৰৰ মাজমজিয়াৰপৰা অৰ্ধ শতাধিক বন্ধ সমৰ্থকক আটক কৰি তামুলপুৰ আৰক্ষী থানালৈ আনি আবদ্ধ কৰি থয়৷

ইপিনে আটকাধীন যুৱকসকলে তামুলপুৰৰ ডিমিলাপাৰত অনুস্থিত হ’বলগীয়া এখন সভাত অংশগ্ৰহণ কৰিবলৈ আহোতে আৰক্ষীয়ে তেওঁলোকক আটক কৰা বুলি সদৰি কৰে৷ 

ইপিনে তামুলপুৰত যাতে শান্তি-শৃংখলা অটুত থাকে তাৰ বাবে সমগ্ৰ তামুলপুৰ মহকুমাতে নিৰাপত্তা ব্যাৱস্থা কটকটীয়া কৰা বুলি জানিব পৰা গৈছে৷  বন্ধৰ সময়ছোৱাত তামুলপুৰ মহকুমাৰ নাগ্ৰিজুলি, গুৱাবাৰী, লতিবাৰী, ঢেকিপোটা, লাউপাৰা, কাউলী আদিত বন্ধৰ প্ৰভাৱ সৰ্বাত্মক ৰূপত পৰা দেখা যায়৷